भाग्य फेर्न सकिदैन भावीले लेखेपछि
मायामा रोग लाग्यो दुनियाँले देखेपछि ।
पराइको डोलीमा देख्दैछु आज म किन
आँखा चिम्ली हेर्न खोजें देख्नै सकिनँ ।
नयनको अगाडि पर्दा बनि छेकेपछि
मायामा रोग लाग्यो दुनियाँले देखेपछि ।
कहिल्यै नमेटिने साइनो नै मेटियो
हिड्दै जाँदा आज फेरि दोबाटो भेटियो ।
छुट्टिनै गाह्रो भयो तिमीलाई भेटेपछि
मायामा रोग लाग्यो दुनियाँले देखेपछि ।
जीवन साथी यो जुनीमा पाइएन बन्न
मन लाग्दैन तिमीलाई पराइ हौं भन्न ।
आफैं स्वार्थी बन्यौ मायाको प्यास मेटेपछि
मायामा रोग लाग्यो दुनियाँले देखेपछि ।
~~~~~~~~~~~~~~~~~~~~~~~~~~~
0 प्रतिक्रिया:
Post a Comment
Khemraj Gaunle / Khumel, Rolpa, Nepal